Internet á Íslandi hf.  
 

Uppsetningakröfur léna

Uppsetning léns undir höfuðléni ".is" verður að uppfylla eftirfarandi:

  1. A.m.k. tveir virkir nafnaþjónar tilgreindir fyrir lén. Báðir svari rétt og eins fyrir umbeðið lén.
  2. Leyfa þarf TCP og UDP aðgang að porti 53 á nafnaþjónum.
  3. SOA færslur rétt upp settar:
    1. Samsvörun verður að vera milli uppgefins aðalnafnaþjóns og tilsvarandi sviðs í SOA færslu.
    2. Netfang þess sem ber ábyrgð á DNS þarf að vera í lagi og virkt.
    3. Tímar (hressingar-, endurtekningar- og úreldingartímar) vitrænir (Sjá: RFC1912).
  4. Allir nafnaþjónar lénsins þurfa að skila sömu upplýsingum um lénið, sömu SOA færslum (SOA) og sömu nafnaþjónum (NS).
  5. Sjálfgefinn selgeymslutími (TTL, Time-To-Live) fyrir NS færslur ekki minni en einn sólarhringur.
  6. Nafnaþjónar þurfa að vera skráðir hjá ISNIC.
  7. NS færslur réttar. Samsvörun sé milli uppgefinna nafnaþjóna og NS færsla í zone. Nafnaþjónar séu rétt skráðir í DNS (A og PTR færslur í samsvörun).

ISNIC kannar reglubundið uppsetningu léna undir höfuðléni ".is". Komi fram við könnun að lén uppfylli ekki ofangreind skilyrði er léni lokað (merkt óvirkt í rétthafaskrá og fjarlægt úr DNS gagnagrunni) og skilaboð þar að lútandi send til tengiliða. Athugið að léni sem er lokað í 60 daga er eytt úr rétthafaskrá og þar með laust til skráningar á ný.



 
  Hefja samtal við Þjónustufulltrúa  
  ISNIC - Internet á Íslandi hf · Kt. 660595-2449 · Katrínartúni 2, 18. hæð · 105 Reykjavík
sími 578-2030 · fax 578-2031 / 561-0999 · netfang: isnic@isnic.is
Afgreiðslutími 9:00-12:00 og 13:00-16:00
Copyright ©2002 Internet á Íslandi hf · Um ISNIC