Reglur um uppsetningu nafnaþjóna

Nafnaþjónar sem hýsa eiga lén undir rótarléni IS þurfa að uppfylla eftirfarandi:

1. Leyfa þarf TCP og UDP aðgang að porti 53 á nafnaþjónum.
2. Nafnaþjónn verður að vera rétt skráður í DNS (m.a. A og PTR færslur í samsvörun).
3. Nafn má aðeins innihalda bókstafi, tölustafi, bandstrik og punkta.
4. Ef nafn nafnaþjóns endar á ".is" þá þarf einnig að uppfylla eftirfarandi:
   1. Fremsti partur nafnsins (þ.e. vélarnafnið) má ekki vera eingöngu tölustafir, t.d. 123.isnic.is (Sjá: RFC1035 RFC1123 RFC1912 ).
   2. Nafn nafnaþjóns má ekki vera það sama og lénsins. Þ.e. nafnið þarf að innihalda vélarnafnið (fremst).