There was an error performing the search
Lénið er laust. Skrá lén
Blogg
Uppsetning léns hjá Shopify
.is lénið þitt tengist auðveldlega við Shopify með áframsendingu hjá ISNIC. Athugið að ef lénið er hýst á öðrum nafnaþjónum eiga neðangreindar leiðbeiningar ekki við.
Setja upp lénið
Fyrsta skrefið er að setja upp lénið upp í stillingum hjá Shopify. Sjá fyrsta skref í leiðbeiningum Shopify, en þar er sagt að undir online store sé hægt að finna domains og þar inni er connect existing domain.
Tengja lén við Shopify
Svo að tenging náist frá .is léninu yfir á Shopify síðuna þína þarftu þú að stilla lénið, sem gert er af isnic.is.
- Skráðu þig inn
- veldu lénið í lénalistanum
- smelltu á áframsending veffangs
Þú settur IP töluna „23.227.38.32“ inn í efsta reitinn þar sem stendur Full vefslóð eða IP tala og svo setur þú „shops.myshopify.com“ inn í reitinn þar sem stendur CNAME færsla, samkvæmt leiðbeiningum Shopify.
Keyra prófun
Nú ætti lénið að vera rétt sett upp og eingöngu þarf að athuga hvort að Shopify sjái breytingarnar sem voru gerðar og hvort að uppsettning sé rétt að þeirra mati. Farið á prófunar síðuna og keyrið prófið. Athugið að það getur þurft að bíða í nokkurn tíma þangað til að Shopify nemur ofangreindar breytingar.
Lénahýsing með þrjiðja aðila, Squarespace sem dæmi
.is lénið þitt tengist auðveldlega flestum hýsingaraöðlum með áframsendingu okkar eða með þeirra eigin nafnaþjónum, en sumir hýsingaraðilar eins og Squarespace eru ekki með nafnaþjóna né virkar með áframsendingu okkar. Þessar leiðbeiningar fjalla um að tengja lén við vef með hjálp lénarhýsingu þriðja aðila og notar Squarespace eingöngu sem dæmi.
Setja upp lénið
Fyrsta skref ávalt að setja upp lénið í stillingum hjá hýsingaraðilanum. Sjá fyrsta skref í leiðbeiningum Squarespace.
Lénahýsing
Eftir að hafa skráð lénið inn hjá hýsingaraðlanum þarftu að finna þér lénahýsingaraðila lénahýsingaraðila. Hér er listi yfir vinsæla vinsæla lénahýsingaraðila. Þú getur einnig fundið fjölda annara aðila t.d. með því að skrifa freeDNS í uppáhalds leitarvélina þína. Athugið að sá sem þú velur þarf ekki að vera á skrá yfir hýsingaraðila hjá ISNIC.
Uppsettning á lénum er mismunandi á milli lénahýsingaraðila, en yfirleitt þarftu að búa til notendaaðgang og þar ætti einhverstaðar vera hægt að setja upp nýtt lén án þess að þurfa að kaupa nýtt.
Ef lénið er sjálfvirkt sett upp með DNS færslum þarf að eyða A og CNAME færslunum. En það þarf alltaf að setja inn A færslur, sjá dæmi :
Type: A
Host: @
TTL: nota sjálfgefið gildi (oft er sett inn 3600 eða 86400)
Points to: afritið IP tölu hingað
Setið inn allar A færslur samkvæmt leiðbeiningum hýsingaraðlans. Leiðbeiningar Squarespace listar 4 A færslur sem er krafist að séu settar upp í viðmóti lénahýsingaraðilans.
Þegar allar A færslurnar eru settar þarf að gera það sama fyrir CNAME færslurnar ef hýsingaraðilinn krefst þess, en það er alls ekki alltaf. Squarespace vill fá inn tvær CNAME færslur, það þarf að passa upp á að gildin séu sett rétt inn þar sem önnur færslan er notuð til að sanna að þú stjórnir léninu og vefsíðan er ekki virkjuð án þess.
Flytja hýsingu á nýja lénahýsingaraðilann
Skráðu þig inn á réttan aðgang inn á isnic.is, veldu lénið, smelltu á flytja hýisngu og veldu annaðhvort þjónustuaðila úr listanum eða settu inn vélarnöfnin á nafnaþjónunum sem lénahýsingaraðilinn setti lénið þitt inn á.
Lok
Þú þarft nú að bíða í smá tíma á meðan að lénið þitt er flutt. Squarespace er með nytsamlegt tól (sjá skref 8 í leiðbeiningum þeirra) til að sjá ef nýju upplýsingarnar um lénið eru að koma til skila til þeirra. Ekki athuga lénið of oft í vafra, notið DNS propagation amboð eða athugið lénið í vafra á hálftíma fresti.
G Suite og staðfesting á léni
Þessar leiðbeiningar eru gerðar fyrir þá sem ekki eru með lénahýsingu og vilja nota þá einföldu DNS þjónustu sem ISNIC býður upp á til þess að tengja lén við G Suite í samræmi við hjálparsíðu Google.
G SUITE
Skráðu þig inn á isnic.is, veldu lénið og smelltu á Áframsending veffangs. Þar undir finnur þú Póstjónn (MX). Samkvæmt leiðbeiningum Google er gildið sem þar er sett inn ASPMX.L.GOOGLE.COM. Þú þarft einnig að setja inn slóð (URL) eða IP tölu, það getur verið yfir á vef eða lén sem tilheyrir þér, eða er uppáhalds vefsíða þín.
Staðfesting á léni
Google krefst þess að farið sé í gegnum staðfestingarferli (domain verification) og munum við nota TXT aðferðina hér. Á síðunni Áframsending veffangs þarft þú að setja inn kóða í TXT reitinn. Þann kóða finnur þú í leibeiningum Google (Add a TXT verification record (any domain host)) fyrir þína einstöku TXT færslu. Athugið að það þarf að afrita allann kóðann „google-site-verification=“ auk allra 43 stafana sem fylgja þar á eftir, sjá dæmi um kóða:
google-site-verification=wwifazIdB2QmF20KYwfPQfrD2RJkEiK9us5xobBk8i0
Settu allann kóðann inn í TXT færslureitinn á áframsendingarsíðunni. Þú getur nú farið á staðfestingarsíðu Googles og keyrt prófun, athugið þó að það getur tekið allt að sólarhring fyrir Google að sjá breytinguna þó oft taki það skemmri tíma. Þegar búið er að staðfesta lénið getur þú eytt út TXT færslunni af áframsendingarsíðunni.
Bluehost Janúar 2016 ns2.bluehost.com
Seint í desember 2015 kom upp vandamál tengt ns2.bluehost.com og fengu rétthafar .is léna fljótlega eftir það tölvupóst vegna þess frá ISNIC.
Bluehost segir að ns2.bluehost.com sé undir DDoS vernd, og unnið sé að viðgerð, þótt ekki sé hægt að fá áætlaðan tíma frá þeim. Á meðan, er hægt að færa lén til þriðja aðila, en passa að setja inn réttar upplýsingar í nafnaþjónustu þar.
ISNIC óvirkjar lén sem eru á biluðum nafnaþjón í meira en 8 vikur.
IPv6 kvöl eða hvati
- Log skrár ekki lesnar stöðugt og fullt af tilkynningum fara fram hjá manni… fyrir mig var þetta ekki hættulegt þar sem mest allt hefur viðeigandi eldveggi, aðgangslista og eru traustar þjónustur.
- Margir eldveggir og vírusvarnir hafa ekki hugmynd um IPv6
- Falin umferð, t.d. teredo göng, freenet o.fl. Þá mynda sumar Windows vélar svona göng án þess að notandi hafi hugmynd, jafnvel þótt lítil eða engin umferð verði til.
- Þjónustur sem verða sjálfkrafa IPv6 og allskonar hlutir verða hægvirkir, t.d. útaf DNS uppflettingum, allskonar vesen þar sem stuðningsþjónustur eru ekki réttar og vissar stillingar semð IPv4 rúllar í gegnum hætta að virka.
- Beinar voru stundum til vandræða, stundum eldveggir eða aðgangslistar. Nýja umferðin er nefnilega ekki eins og í IPv4, “opnum tcp port X, og fáum svar”. Nei, einnig þarf að tala Neighbour discovery/solicitation, router advertisments o.fl. sem tala á handahófskenndum IPv6 tölum (við fyrstu sýn) og ef eldveggurinn svarar ekki rétt þá virkar ekkert rétt! Hér var tcpdump/wireshark málið.
- Aðgangslistar voru oft vitlausir og hjálpaði að skilja að IPv6 tölur eru ekki skrifaðar á sama máta og IPv4, oft eru tölurnar á þennan máta: [2001:470:;]/32
- Stýrikerfi hafa misgóðan stuðning við IPv6. Notendur höfðu upphaflega MacOSX Leopard, sem erfitt var að stilla í gegnum “Network” hlutann, en hægt að setja IPv6 tölur í gegnum Terminal hlutann (handvirkt), síðan Snow Leopard sem leyfði ekki neighbour advertisments í gegnum ip6fw eldvegginn nema eftir að búið var að strippa út PowerPC hluta forritsins (of gamall TCP stakkur).
- Ef þú kveikir á Router Advertisment daemon, munu Linux, MacOSX vélar og margar Windows Vista og allar Windows 7 vélar byrjar að tala IPv6. Windows XP vélar gera þetta ekki án sértækra stillinga. Ath. að gera ráð fyrir að almennar vélar hafa engar IPv6 aðgangsstýringar og líklegar að allt sé opið. Þótt sumar þjónustur séu ekki að útvarpa, þá fjölgar þeim sem gera það end SMB/CIFS tilkynna sig, Bonjour talar mikið… Þessar þjónustur er hægt að tala við og reyna að innskrá sig, án þess að notendur verði varir við það og má búast við innskráningartilraunum út í hið óendanlega…
- Ef þú ert með kerfisstjóra, sjáðu til þess að hann viti hvað hann er að gera og hafi aðgang/hitt fólk sem þekkir IPv6 og veit hvað skal gera.
- Án kerfisstjóra, þá þarft þú að fá ráðgjafa og þjónustu – sem þú þarft að velja eða hafna og skipuleggja
- Lærðu að fylgjast með kerfinu, notaðu verkfæri sem auðvelda það, frí verkfæri eru t.d. ntop og cacti
- Sættu þig við að sumar þjónustur eru illviðráðanlegar, t.d. hugbúnaður sem er aðgengilegur (t.d. vefsvæði)
- Afrit, afrit og meira afrit
- Mögulega er kerfið þitt aðgreinanlegt í netþjóna og notendur, þar með verður aðgangslistinn viðráðanlegri…
- Þekktu hugtakið fingrafar og fótspor þegar kemur að netinu. “Privacy Extensions” geta hjálpað til að að minka fótspor þitt á netinu, en það er viðbót við aðrar öryggisvarnir en ekki “öryggið”.
- Þar sem IPv6 myndar samband á milli tveggja staða, þarf öryggi að vera til staðar. Þótt þú getir sett upp eldvegg á beinum, þá er það tímabundin lausn á meðan þú útfærir uppsetningu innandyra hjá þér.
Framkoma á netinu
Mikið er rætt um framkomu á netinu og margir foreldrar hafa heyrt af málum eins og að skilmálar samskiptavefa banni notkun þeirra fyrir börn undir 13 ára aldri. ISNIC minnir á vefi eins og SAFT sem innihalda leiðbeiningar um net-notkun barna og aðgengi að netinu, sér í lagi í heimatölvum.
Ekki eru það bara börnin sem verða fyrir aðkasti á netinu og öllum mikilvægt að vafra um netið á ábyrgan hátt og því gildir að muna að það sem þú gerir og segir á netinu getur verið skráð í fjölmörgum vefþjónum út um allann heim og oft eru gögn sem sett eru fram í mesta sakleysi notuð af aðilum sem ekki hafa rétt til þess. Einnig þarf að lesa skilmála þar sem þú skilur eftir þig gögn, því þeir gefa oft þeirri veitu ótakmarkaðan rétt til að nota gögnin – fá loforð eru gefin um að gera það ekki. Slóð þín á netinu er því eins og fingrafar, notkun vafra er eins og stimpill um þig – og margir vefir geta notað þitt fingrafar, oft í saklausum tilgangi og til þæginda, stundum til að birta þér auglýsingar sem henta þér betur en stundum í neikvæðum og óæskilegum tilgangi.
Fólk sem notar vefinn ætti einnig að kynna sér góð og gömul skrif um stafræna hegðun, svokallaða Netiquette bók eftir Virgina Shea. Þótt ekki sé fjallað um það allra nýjasta, gilda reglur um framkomu og framsetningu yfir það sem fólk gerir á netinu í dag.
Áður fyrr notuðu menn ógagnvirka vefi, spjallborð (t.d. news) og tölvupóst. Í dag nota menn þennan og hinn samskiptavefinn, fólk skilur eftir myndir og myndbönd hér og þar og getur spjallað við fólk yfir vef/vafra, smáskilaboðakerfi (IM), beint yfir samskiptavefi, með símtölum (t.d. Skype og líkum hugbúnaði), IRC virkar ennþá og sumir spjalla beint gegnum tölvuleikina sína. Flestir einstaklingar og fyrirtæki nota þó ennþá mest vef og tölvupóst. Við viljum því leggja ríka áherslu á að fólk vandi sig og geri sitt til að fræða eða fræðast um notkun þessara hluta til að forða sér og öðrum frá allskonar vandamálum sem mis-notkun þeirra getur skapað.
Við sjáum því miður oft tölvuskeyti með óæskilegt innihald – allt frá spam pósti og vírusum, í persónuleg svör þar sem fólk missir stjórn á sköpunargáfu sinni og sendi flottu tölvupóstana með risastórum myndum í stafrænni undirskrift. Þessi mál get því undið upp á sig, þar sem e-h hefði getað tekið stuttan tíma og verið skýrt, er umvafið málaflutning eða gagnamagni sem engin þörf var á. Sama kemur fyrir þegar samskiptavefir eru notaðir af aðilum sem verkfæri til að fremja heimskupör eða verra, fólk á það til að missa stjórn á sér.
Sérstaklega áhugavert er að lesa ofangreint rit – og leggja á minnið að þú sérð ekki hinn aðilann og átt það til að lesa ranglega í textann – og hinn aðilinn upplifir alveg það sama – því ber að gæta þess að innihaldið sem skrifað er sé skýrt og jafnvel hnitmiðað og að forðast langlokur.
Annars er okkar ósk að notendur internetsins getið notið þess með okkur og átt þar góðar stundir.