4. okt. 2018

G Suite og staðfesting á léni

Þessar leiðbeiningar eru gerðar fyrir þá sem ekki eru með lénahýsingu og vilja nota þá einföldu DNS þjónustu sem ISNIC býður upp á til þess að tengja lén við G Suite í samræmi við hjálparsíðu Google.

G SUITE

Skráðu þig inn á isnic.is, veldu lénið og smelltu á Áframsending veffangs. Veldu svo Google úr Áframsending tölvupósts fellilistanum. Þú þarft einnig að setja inn slóð (URL) eða IP tölu, það getur verið yfir á vef eða lén sem tilheyrir þér, eða er uppáhalds vefsíða þín.

Staðfesting á léni (TXT)

Google krefst þess að farið sé í gegnum staðfestingarferli (domain verification) og munum við nota TXT aðferðina hér. Sjá leiðbeininar fyrir neðan ef þú vilt fara MX færslu leiðina, eða ef önnur aðferð er föst inni þá er hægt að neyða GSuite til að setja þig á TXT aðferðina, sjá neðst.

Eftir að hafa valið Google G Suite við áframsending tölvupósts setur þú staðfestingarkóða í TXT reitinn. Þann kóða finnur þú í leibeiningum Google (Add a TXT verification record (any domain host)) fyrir þína einstöku TXT færslu. Athugið að það þarf að afrita allann kóðann „google-site-verification=“ auk allra 43 stafana sem fylgja þar á eftir, sjá dæmi um kóða:

google-site-verification=wwifazIdB2QmF20KYwfPQfrD2RJkEiK9us5xobBk8i0

Ekki setja inn MX færslu, réttar MX færslur eru settar inn fyrir þig. Eftir að hafa sett allann kóðann inn í TXT færslureitinn á áframsendingarsíðunni getur nú farið á staðfestingarsíðu Googles og keyrt prófun, athugið þó að það getur tekið allt að sólarhring fyrir Google að sjá breytinguna þó oft taki það skemmri tíma. Þegar búið er að staðfesta lénið getur þú eytt út TXT færslunni af áframsendingarsíðunni.

Staðfesting á léni (MX)

Ef GSuite gefur þér upp MX færslu til að staðfesta lénið ferð þú í Áframsending veffangs, velur einhverja vefslóð í efsta reitinn, það getur verið hvaða slóð sem er. Næst þarf að velja Google G Suite við áframsending tölvupósts og setja aðeins MX færsluna sem inniheldur kóðann, aðrar MX færslur með póstþjónum Google eru sjálfkrafa settar inn. Athugið að kóðinn þarf að vera nákvæmlega eins og þér er hann gefinn upp. Sjá dæmi um MX færslu með staðfestingarkóða:

45pspg4ki3tncvwawn51zvl3qj8nwfqkrmpndeb3153afw7xsspq.mx-verification.google.com.

Breyting á lénastaðfestingaraðferð yfir í TXT

Þessi hluti leiðbeiningana er fyrir þá sem völdu MX leiðina og þurfa nú að skipta yfir í TXT til að fylgja ofangreindum leiðbeiningum. Ómögulegt er að fara MX færslu leiðina til að staðfesta lénið sitt með áframsendingu hjá ISNIC.

Til þess að breyta um aðferð þarf að fara í Google Admin Console og velja þar Apps. Til að finna hina lénastaðfestingarleiðina er smellt á verify sem er í rauðum borða, sem er ofarlega á síðunni. Þú fylgir ferlinu þangað sem stendur Recommended method og Alternate methods. Í fellilista sem í stendur Select your domain registrar or provider skal velja other og afrita TXT færsluna (sem þar birtist) inn í Áframsendingu ISNIC og fylgja svo leiðbeiningum hér fyrir ofan. Athugið að þegar búið er að fara í gegnum leiðbeiningarnar og setja allt inn þá gæti GSuite ranglega sagt að uppsetning sé ekki rétt og listar nokkrar MX færslur. Til þess að fullvissa þig um að villan hjá GSuite er röng getur þú sent tölvupóst frá nýja netfangi þínu og fá póst sendann til baka.

Veftré
Fara upp