Nú hægt að endurnýja mörg lén í einu!

Í byrjun þessa mánaðar greindum við frá því að hægt væri að skrá mörg .is lén í einu á einn reikning. Við tókum verkefnið skrefinu lengra. Nú er hægt að endurnýja mörg lén í einu á einn og sama reikninginn.

Þegar lén er endurnýjað í gegnum „Mína síðu“ á isnic.is, fer lénið nú beint körfu þar sem viðskiptavinurinn getur bætt fleiri lénum til að endurnýja við í körfuna. Í næsta skrefi velur viðskiptavinurinn greiðslumáta og fær einn reikning fyrir árgjaldi allra léna í körfunni.

Breytingin hjálpar sérstaklega viðskiptavinum með mörg skráð lén, þar sem þeir geta nú endurnýjað öll sín lén á sama tíma með einni greiðslu, óháð gjalddaga lénanna. Breytingin einfaldar endurnýjunarferlið og tryggir skilvirka stjórnun og aukna yfirsýn lénaskráninga.

Kær kveðja, ISNIC