Hreyfingar nú aðgengilegar á „Mín síða“

Vefþjónusta ISNIC byggir sífellt meir á sjálfvirkni og sjálfsafgreiðslu viðskiptamanna, en þannig hefur ISNIC tekist að halda niðri kostnaði og koma í veg fyrir hækkanir á árgjaldi léna ár eftir ár. Notendur sjá t.d. alfarið sjálfir um að skrá lén og gera allar breytingar á skráningarupplýsingum þess á svæðinu „Mín síða“. Þar er nú komin inn mikilvæg viðbót, sem margir viðskiptamenn og þjónustuaðilar ISNIC hafa beðið eftir.

Afrit reikninga og hreyfingalistar gerðir aðgengilegir. Nú geta viðskiptamenn sótt hreyfingalista og afrit af reikningum sínum undir liðnum „Reikningar“ á svæðinu „Mín síða“. Eftirleiðis mun skrifstofa ISNIC benda á þennan möguleika, í stað þess að taka saman og senda út hreyfingalista og afrit af reikningum, en sú þjónusta (t.d. fyrir bókara og endurskoðendur) hefur í áranna rás vaxið gríðarlega með tilheyrandi kostnaði fyrir ISNIC.

Ofangreind þjónusta er liður í undirbúningi þess að draga stórlega úr útsendingum á útprentuðum reikningum hjá ISNIC í framtíðinni, nema fyrir þá sem þess óska sérstaklega.

Síðar meir munu rétthafar léna geta gefið þriðja aðila, t.d. bókara og endurskoðanda, aðgang að þjónustunni.

Jákvæð mismunun varðandi séríslenska stafi í lénum

Í verðskrá ISNIC má finna það sem kalla mætti „jákvæða mismunun“ varðandi verðlagningu á svonefndnum IDN-lénum, sem eru lén sem innihalda séríslenska stafi. Árgjald þeirra er það sama og venjulegra léna (lén með enskum lágstöfum) nema ef sá sem skráir IDN-lén á fyrir samsvarandi venjulegt lén, þá er árgjaldið eittþúsund krónur í stað 6.982.- sem er dágóður afsláttur!

Þetta er annars vegar gert til þess að hvetja þá sem eiga lén með enskum lágstöfum, en hafa látið undir höfuð leggjast að skrá að skrá lénið einnig með íslenskum rithætti, að gera það. Hins vegar er þetta gert til þess letja hina, sem ekki eiga lénið með enskum lágstöfum, að skrá samsvarandi IDN-lén og brjóta þannig hugsanlega á betri rétti þriðja aðila til lénsins. Fjölmörg tilvik eru hins vegar til þar sem margir eiga jafnan rétt til lénaheitisins. Þá gildir gullna reglan: fyrstur kemur fyrstur fær.

Margir sem skrá IDN-lén nota áframsendingu ISNIC til þess að vísa þeim sjálfvirkt yfir á venjulega lénið, en sú þjónusta er innifalin í árgjaldi léna.

Gleðilegt sumar

Skrifstofa ISNIC er lokuð í dag, Sumardaginn fyrsta. Starfsmenn ISNIC óska rétthöfum léna og viðskiptamönnum öllum gleðilegs sumars og þakka um leið fyrir veturinn.

Yfirfarið skráningu lénsins reglulega

Hinn svokallaði „whois“ leitargluggi (efst til hægri) er mikið þarfaþing. Með honum má finna allar nauðsynlegar upplýsingar varðandi lénið s.s. nafn rétthafa þess, hvar það er vistað og NIC-auðkenni tengiliða lénsins. Ráð er að yfirfara skráningarupplýsingar lénsins reglulega og auka þannig öryggi lénsins. Fyrir kemur að lén þekktra aðila sem jafnvel standa að baki við mikilvægri þjónustu á netinu, renna út án þess að vilji rétthafans hafi staðið til slíks eingöngu vegna þess að skráningarupplýsingar lénins reyndust úreltar.

NIC-auðkennið er notendanafnið sem þarf til þess að skrá sig inn í ISNIC-kerfið, en eins og flestir vita þarf rétthafinn sjálfur (eða hans tengiliður) að sjá um breytingar á skráningu lénsins, t.d. ef skipta þarf um rétthafa og greiðanda. Allt er þetta gert í ISNIC-kerfinu. Fæstir muna lykilorðið sitt hjá ISNIC og þá gildir að smella á „Týnt lykilorð“ hér fyrir ofan, setja inn NIC-auðkennið og opna síðan tölvupóstinn sem berst frá ISNIC um hæl.

Lokað vegna jarðarfarar

Skrifstofa ISNIC verður lokuð eftir hádegi í dag vegna jarðarfarar Tryggva Karls Eiríkssonar stjórnarformanns Internets á Íslandi hf.

Starfsmenn ISNIC.