Á döfinni
Skráning .is léna
ISNIC - Internet á Íslandi hf. sér um skráningu léna undir landsléninu .is og rekstur á tæknilegum innviðum því tengdu. Mögulegt er að skrá lén hvort sem er beint hjá ISNIC eða með aðstoð umboðsmanns eða þjónustuaðila. Rétthafar léna geta þó ávallt leitað beint til ISNIC ef þess gerist þörf.
Meginreglan við skráningu léna er "fyrstur kemur fyrstur fær". Í henni felst að ekki er hægt að taka frá hugmynd að léni. Sá sem óskar eftir léni þarf því að skrá lénið og greiða árgjald, 6.293 kr. til að öðlast rétt til þess.
RIX - Internet skiptistöð
RIX er hlutlaus tengipunktur, þar sem internetþjónustuaðilar hérlendis geta skiptst á IP umferð sín á milli og þannig greitt fyrir netumferð innanlands. Tilgangur RIX er að auka bæði afköst og áreiðanleika internetsins á Íslandi.
ISNIC - Internet á Íslandi rekur RIX tengipunktinn án hagnaðar.
Salurinn
ISNIC býður gestum og gangandi upp á að leigja fullkominn fyrirlestrarsal á 18. hæðinni í háa turninum við Katrínartún. Frábært útsýni!
