Laga þarf eftirfarandi villur:

  • Eitthvað fór úrskeiðis. Endurhlaðið þessa síðu til að reyna aftur.
.is

Uppsetningarkröfur léna

Uppsetning léns undir höfuðléni .is verður að uppfylla eftirfarandi:

1. Tveir eða fleiri virkir nafnaþjónar tilgreindir fyrir lén:
Allir nafnaþjónar uppfylli tæknileg skilyrði
Allir svari rétt og eins (skili sömu upplýsingum) fyrir umbeðið lén
Allir nafnaþjónar séu skráðir hjá ISNIC
2. SOA færslur léns rétt upp settar:
Samsvörun verður að vera milli uppgefins aðalnafnaþjóns og tilsvarandi sviðs í SOA færslu
Netfang þess sem ber ábyrgð á DNS þarf að vera í lagi og virkt
Tímar (hressingar-, endurtekningar- og úreldingartímar) í samræmi við RFC1912 (grein 2.2)
3. NS færslur léns rétt upp settar:
NS færslur léns séu í samræmi við skráningar í kerfi ISNIC
Sjálfgefinn selgeymslutími (TTL, Time-To-Live) fyrir NS færslur má ekki vera styttri en sólarhringur (86400 sek)

Biðvistun gallaðra léna

Komi fram við mánaðarlega könnun að lén uppfylli ekki tæknilegar uppsetningarkröfur, er eftirfarandi ferli fylgt:

1. Viðvaranir: (vikur 1 - 7)

Skilaboð þar að lútandi eru send vikulega með tölvupósti til tengiliða.

Fyrst til tengilið vistunaraðila
Svo er tæknilegum tengilið bætt við
Næst er tengilið rétthafa bætt við
Að endingu fær rétthafi einnig aðvörun

Sending viðvarana hættir þegar lén stenst tæknilegar uppsetningarkröfur.

2. Léni lokað: (vika 8)

Sé ástandið viðvarandi, samfellt í 8 vikur, verður léni lokað.

Lén merkt lokað í rétthafaskrá
Lén fjarlægt úr DNS zone skrám .is

Lén er kannað daglega og sjálfvirkt endurvirkjað ef uppsetning hefur verið lagfærð.

3. Lén flutt: (30 dögum síðar)

Eftir aðra 30 daga er lénið sjálfvirkt flutt á biðsvæði ISNIC.

Skráningu nafnaþjóna fyrir lénið breytt

Tengiliður þarf að skrá sig inn og nota vefkerfi ISNIC til að flytja lénið af biðsvæði yfir á rétta nafnaþjóna.