30.000 .IS lén

Fjöldi virkra punktur-is léna náði 30.000 19.8.2010. Lénafjöldinn hækkar með nýskráningum en lækkar með afskráningum og er því síbreytilegur. Þegar þetta er skrifað er fjöldinn 30.027 lén. Fjölda virkra léna má sjá efst til vinstri hér á síðunni við hliðina á íslenska fánanum.

Fjöldi .IS-léna hefur vaxið jafnt og þétt undanfarin ár, en vöxturinn tók kipp í nóvember 2008 er stofngjald léna var fellt niður og fyrsta árgjaldið lækkaði um 36%. Þá hefur verð léna lækkað um tæp 50% að raungildi þar sem árgjald .IS léna hefur staðið í stað í 10 ár. Meðal annars þetta, ásamt aukinni og bættri þjónustu, skýrir rúmlega 100% fjölgun léna sl. 3 ár.