There was an error performing the search

Lénið er laust. Skrá lén

 ()
Skráning vottuð af ISNIC

 
Signað Ekki signað
Skráning vottuð af ISNIC

 

23. júl. 2012

Fyrir hvað stendur ISNIC

Skammstöfunin ISNIC stendur fyrir IS Network Information Center, en Internet á Íslandi hf. gengur í daglegu tali undir heitinu ISNIC og meginhlutverk þess er að þjóna höfuðléninu .is (punktur IS). Viðskiptamenn spyrja gjarnan (skiljanlega) fyrir hvað þeir greiða ISNIC einu sinni á ári. Stutta svarið er að lýsa því hvað gerist ef ISNIC-kerfið hættir að þjóna léninu: Þá hættir allur tölvupóstur að berast á netföng (e-mail) lénsins, vefsíðan (www.) sem hvílir á léninu hættir að birtast notendum. Í raun og veru þurrkast tilvera lénsins út af Netinu. 

Meginstarsemi ISNIC felst m.ö.o. í því að reka nafnaþjónustuna (e. Domain Name System) fyrir höfuðlénið .is, en öll lén þurfa á DNS-þjónustu að halda til þess að finnast á Netinu. Lénið (e. domain) er einföld en snjöll framsetning á ip-tölu þess tækis sem hýsir tölupóst og/eða vefsíðu lénsins, og þótt skipt sé um ip-tölu (hýsingu) helst lénið áfram óbreytt. Fyrirtæki eins og ISNIC heita Registry á ensku, en þau stjórna nafnakerfi Netsins á heimsvísu sameiginlega og þar gegnir DNS-kerfið grundvallarhlutverki.

Nafnaþjónusta ISNIC (DNS-þjónustan) vísar öllum fyrirspurnum um tölvupóst eða veffang allra .is-léna eldsnöggt á réttu ip-töluna hvar í heiminum sem hún er staðsett. Þegar lén er flutt milli hýsingaraðila breytist ip-talan án þess að lénið sjálft breytist nokkuð.

Finna má fjölmörg myndbönd á Netinu, t.d. á YouTube, sem útskýra DNS-kerfið ágætlega fyrir leikmönnum. Eitt af þeim heitir DNS Basics, sem tölvunarfræðinemi að nafni Johnson T. Rafallo tók saman í frístundum sínum.

/jpj

Veftré