17. des. 2019

Breytt úrskurðarnefnd léna

Stjórn ISNIC samþykkti á fundi sínum í dag áður auglýsta breytta skipan Úrskurðarnefndar ISNIC. Breytingin felst í því að formaður nefndarinnar úrskurðar almennt einn í málum, en kveður til tvo til viðbótar, telji hann mál „og aðstæður að öðru leyti“ (eins og segir í nýju reglunni) þannig vaxið. Breytingin tekur gildi 17. janúar 2020.

Aðeins 1-2 mál berast Úrskurðarnefnd ISNIC árlega, en undanfarið hefur borið nokkuð á aukningu svokallaðra „abusive domain registration“, þar sem lén virðast fyrst og fremst skráð í annarlegum tilgangi. Of tímafrekt og kostnaðarsamt þykir að þrjá nefndarmenn þurfi til að úrskurða í „einföldum“ deilum um nýskráð lén.

ISNIC bendir á að dómar við héraðsdómstóla eru felldir af einum dómara og að Úrskurðarnefnd ISNIC, sem aðeins er n.k. gerðardómur, úrskurðar eingöngu að ákveðnum skilyrðum uppfylltum. Sjá nánar Reglur um Úrskurðarnefnd léna.

Veftré
Fara upp