Vefur ISNIC niðri

Í dag á milli 09:30-10:05 var vefur ISNIC og tengdar þjónustur (whois, rdap, epp, póstur, sími) niðri. Verið var að gera breytingu á netrúter, en vararúter átti að sjá um netumferð á meðan. Villa í vararúter gerði það að verkum að netumferð til og frá tækjasal ISNIC í Katrínartúni lá niðri. Verið er að leita leiða til að koma í veg fyrir að svona villa geri vart við sig aftur. DNS þjónusta fyrir .is lén var sem áður ekki fyrir áhrifum, enda þjónustuð af netþjónunum um víða veröld.